New Delhi:
Ka nongbah jong ka ri ka la sakhi ïa ka jinghiar khyndiat ha ki kam runar pyrshah ïa ki kynthei, ki khynnah bad ki tymmen ha u snem 2025 haba ïanujor bad u snem 2024 bad 2023. Ki la don baroh kumba 12,458 tylli ki jingjia kiba long pyrshah ïa ki longkmie, 7,413 tylli pyrshah ïa ki khynnah bad 1,227 tylli pyrshah ïa ki tymmen, la pyntip ka Rajya Sabha ha ka taïew ba la lah.
Ha ka jingthoh ba la ai kum ka jubab, u Myntri ka tnat ki kam pohïing ka jylla u Nityanand Rai u la ong ba ki kam runar kiba la shah thoh ha u snem 2024 ki long 13,195 tylli ki kam runar pyrshah ïa ki kynthei, 7,636 tylli pyrshah ïa ki khynnah, bad 1,267 tylli pyrshah ïa ki tymmen ha u snem 2024. Ka jingdon jong kum kine ki jingjia ha u snem 2023 ki long 13,208, 7,769 bad 1,361 kaba mar ïabud. 268 tylli.
Halor ka jingkylli halor ka jingdon ki kam kiba lait mynta ha ki pulit ka Delhi pyrshah ïa ka jingbun jong ki, ha ka jubab la kdew ba ki pulit ka Delhi ki don mynta 14,140 tylli ki kam kiba lait, ha kaba 13,958 tylli ki dei ha ka kyrdan Constable haduh Inspector.
Ka jingkhlaiñ ba la mynjur na ka kyrdan Constable sha u Inspector ka long 96,817 ngut, ACP level 346, bad ka Additional DCP bad shaneng ka long 168. Katba ki don 152 tylli ki kam ba lait ha ka kyrdan ACP bad 30 tylli ha ka kyrdan Additional DCP shaneng.
Ki nongtrei kiba biang, ki jaka ai jingïarap jong ki kynthei bad ki tiar kiba mynta ki don ha baroh ki thanat pulit jong ka Delhi. Shuh shuh, ki cyber police stations ki treikam ha baroh 15 tylli ki jaka treikam jong ki pulit distrik ha Delhi.
