New Delhi, ïaïong:
Ka lynti rel jong ka ri India ka don ha ka jingkylla kaba khraw, ha kaba ka jingtreikam jong ki rel kiba kham stet jong baroh ar ki rel kit ïa ki nongleit nongwan bad ki rel kit mar ka mih kum ka bynta pdeng jong ka jingpyrshang ban pynthymmai ïa ka.
Ha ka kyrwoh ba dang shen ha Rajya Sabha, u Myntri ka tnat Railway u Ashwini Vaishnaw u la pynpaw ïa ka jingkiew kaba khraw ha kaba pynbha ïa ki jingtei jong ki lynti ïaid ban kyrshan ïa ki kali kiba kham stet ha kylleng ka ri. Katkum ka jingtip ba la ai da u Myntri, la pynbha haduh 23,713 km ka lynti rel haduh u bnai Rymphang 2026 ban pyndap ïa ka jingstet jong ki rel kiba 130 km/h shaneng.
U Myntri u la bynrap da kaba ong ba palat 62,036 km ka lynti ïaid la pyndonkam mynta na ka bynta ban pynïaid ïa ki rel ha ka jingstet kaba hapdeng 110 bad 130 km/h. Kane ka pyni ïa ka jingbei tyngka kaba neh ha ka jingpynthymmai ïa ki lynti ïaid, ki rukom ai dak kiba tbit, bad ki lad jingïada kiba la pynbha, ban pynthikna ba ka jingpynkiew ïa ka jingstet kan ym wan ha ka jingduhnong jong ka jingpahara ïa ki nongleit nongwan, la ong u Myntri.
Shuh shuh, ka Indian Railways ka la pynbha ïa ka lynti rel kaba 19,923 km ban kyrshan ïa ka jingstet kaba haduh 110 km/h.
Ha ka jingïalang, ki jingtip ba thikna ki la pyni ba baroh 105,672 km ka lynti rel la pynbha naduh u snem 2014 ban pynsuk ïa ki jingtreikam kiba kham stet, kaba la pynduna shibun ïa ka por leit jingleit ha kylleng ki bynta.
Ka jingpynlong ïa ki rel kiba kham stet ka long shi bynta jong ka buit treikam kaba kham jylliew ban pynthymmai ïa ki rel India, ban pynkhlaiñ ïa ka jingpynïasoh, bad ban pynpoi ïa ka jingleit jingwan kaba kham suk bad kaba lah ban shaniah, la ong u Myntri. Ka thmu ruh ban buh a ka jingkit jingbah da ka rel kum ka lad kaba kham itynnad ban ïa ka jingleit jingwan da ka surok bad ka liengsuiñ, khamtam eh na ka bynta ki jingleit jingwan kiba biang ka jingjngai ha kaba ka jingtreikam bad jingsuk ki long ki jingpyrkhat ba kongsan.
Shwa u snem 2014, tang 5,036 km ka lynti ïaid ka lah ban kyrshan ïa ka jingstet kaba 130 km/h ne palat. Kane ka jingkheiñ ka la kiew mynta sha ka 23,713 km, kaba pyni ba ka la kiew da 22.4 percent.
U Myntri u la ban jur ba ka jingshngaiñ ka dang long kaba kongsan tam na ka bynta ki rel India. La pynlong ïa ki jingpyrshang kiba bteng ban pynbha bad pynthymmai ïa ki lynti ïaid, ki rukom ai dak, bad ki mar ba ïaid, ban pynbha ïa ka jingshngaiñ, ka jingsuk, bad ka jingsuk jong ki nongleit nongwan.
Ha kajuh ka por, ki heh na ka tnad Railways ki la ïathuh ha ka lad phah khubor ba ka jingpynkhlaiñ bad pynbha ïa ki jingtei ïa ki lynti rel kaba dang ïaid shakhmat ka dang ïaid bteng da kaba pynleit jingmut kyrpang ha ki lynti ïaid kiba bun briew bad kiba donkam bha.
“Katba kine ki jingpynbha ki dang ïaid shakhmat, ki nongleit nongwan ki lah ban khmih lynti ïa ka jingbun ki lynti ban kyrshan ïa ki jingstet kiba kham heh ha ki snem ban wan. Kane ka jingkiew ka pynpaw ïa ka jingangnud jong ka sorkar ban pynroi ïa ka lynti rel kaba kham stet, kaba kham shngaiñ, bad kaba kham biang, kaba pynskhem ïa ka bynta jong ka kum ka nongpynïaid ba kongsan jong ka jingroi ka ïoh ka kot bad ka jingïadei bad ka ri”, ong u heh ophisar jong ka ri”.
