Kolkata, Jylliew:
Ka seng BJP ha West Bengal ka la dep ban pyllait ïa ka mat pyntreikam na ka bynta ka ilekshon Panchayat ka ban sa long ha ka jylla.
U heh nongïalam jong ka seng ha ka jylla u Sukanta Majumder, u nongïalam jong ka liang pyrshah ha Bengal Assembly u Suvendu Adhikari, bad u Vice-President jong ka seng ha baroh kawei ka ri u Dilip Ghosh ki la dep ban pynlong lang ïa ka jingïalang bad ki nongthoh khubor.
Ha kajuh ka por, hashwa ban pynlong ïa ka ilekshon Panchayat, ïa ka mat pyntreikam jong ka seng ba la tip kum ka ‘Sankalpatra’ la pyllait da ka seng. Ka bynta kaba hakhmat eh ba la wanrah ka long ba ki nongïalam jong ka seng BJP ha ka jylla ki la dei ban ïatylli hashwa ka ilekshon Panchayat.
Ka seng ka la ïakhun ban pyntreikam hapoh ka Panchayat halor 9 tylli ki mat, kiba kynthup ïa ka jingthmu ban pyllait ïa ki Panchayat na ki kam bamsap, ban pyntikna ha ka ban kyntiew ïa ki nongrep, ka jingpyntikna ban kyntiew ïa ki briew ha ki kynhun ki bym pat shah ithuh, ki mat ba ïadei bad ka koit ka khiah, ki jingmyntoi na ka bynta ki longkmie, ka jingkyrshan ïa ka lawei jong ka pateng ban wan, ki jingpynbiang ïa ki jingdonkam ha ki thaiñ nongkyndong, ka jingpynïoh ïa ka jingsynshar kaba bha bad ka jingnang pynbha ïa ki jinglong jingman ha ka jylla. Ka Bengal kan sa pynlong ïa ka ilekshon ha ka 8 tarik, Naitung.
