Jowai, Nailar 14
Ka Mookyrdup bad ka Moodymmai ki la ïasam mar shi point ha ka lympung ïalehkai 3rd Division Football Tournament-4th Adelbert Laloo Memorial Trophy ba la pynïaid da ka West Jaiñtia District Sports Association (WJDSA) hadien ba ki la ïakhaid mar 1-1 kol ha ka Sngi Balang ha Kiang Nangbah Stadium, Jowai.
Ha ka jingïalehkai kaba bud, ka Kseh Sylle Ïalong ka la jop da 2-0 kol ïa ka Pynthorlangtein. Kumjuh ka Lumsliarsliar ka la jop ïa ka Lumiongkjam da 3-0 kol.
Haba phai sha kawei pat ka jingïakhun kaba khatduh, ka SC Nonglatem ka la pynliem noh ïa ka Umchangiar da 3-0 kol. Ïa kine kol la thep da u Pyndaplangki Mulieh ha ka minit kaba 39 bad u Healthies Lamare u la thep ar kol ha ka minit kaba 42 & 70+3.
