Shillong, Nailar 16
U Lionel Daryl Rymmei u la long uwei napdeng lai ngut ki rangapkol ban don hapoh ka thup jong 23 ngut ki rang-apkol ki ban mihkhmat sha ka SAFF U20 Men’s Championship 2024 ka ban long ha Kathmandu, Nepal naduh 16 haduh 28 tarik mynta u bnai, la pynbna ka All India Football Federation (AIFF) ha ka Sngi Palei.
Une u rangapkol uba na Umroi, Ri Bhoi Dis-trict bad uba la ïohpdiang ïa ka nam Best Goalkeeper ha ka U-19 South Asian Football Federation Cup 2023, u la ong la long tang marwei na kane ka Jylla ban ïoh mihkhmat ïa ka ri India sha katei ka lympung.
Ha kane ka lympung, ka India ka la don ha ka Group-B kiba kynthup lang ïa ka Maldives bad ka Bhutan. Katba ha ka Group-A ki kynthup ïa ka Nepal, Bangladesh bad ka Sri Lanka. Ïa kane ka kynhun ïalehkai yn ïalam da u Ranjan Chaudhuri kum u coach.
Kumta ka India kan pynkhreh ïa ka jingïa-khun kaba nyngkong pyrshah ïa ka Bhutan ha ka 19 tarik bad ïa ka Maldives ha ka 23 tarik. Ïa ka jingïakhun final la buh ban pynlong ha ka 28 tarik mynta u bnai.
Ki 23 ngut ki rangïa-lehkai ka ri India ki long:
Goalkeeper: Lionel Daryl Rymmei, Sahil & Priyansh Dubey.
Defender: Ricky Mee-tei Haobam, Surajkumar Singh Ngangbam, Malem -ngamba Singh Thokc-hom, Dhanajit Ashang-bam, Manabir Basuma-tary, Thomas Kanamoottil Cherian, Sonam Tsewang Lhokham & Pramveer.
Midfielder: Manjot Singh Dhami, Vanlalpeka Guite, Akash Tirkey, Ebindas Yesudasan, Mang -lenthang Kipgen & Gurnaj Singh Grewal.
Forward: Kelvin Singh Taorem, Korou Singh Thingujam, Monirul Molla, Thanglalsoun Gangte, Naoba Meitei Pangambam & Gwgwmsar Goyary.
