Nongstoiñ, Nailar 08:
Ka FKJGP Maweit Circle ka la pynpaw ïa ka jingsngewsih bad sngewkhia kaba jur halor kaei kaba la jia ïa ka Kong Bibimoris Lyngkhoi ha kaba la lap ïa ka met ïap jong ka ha ka miet shiteng synñia jong ka 5 tarik mynta u bnai napoh ïing jong ka. Ki nongïalam ka FKJGP ki la ong ba ka seng ka dap da ka jingsngewkhia kaba jur halor kane ka jingjia bad ka phah ka kyrwoh sha ka tnat pulit bad ba ka dei ban shim khia ban wad ïa ka jingshisha bad kim dei ban aili ïa u briew uba donkti ha kane ka kam. Shuh shuh ka FKJGP ka dawa ruh ba dei ban set patok shi jingim lada lap ïa uba donkti shisha ban shim ïa ka jingim jong katei ka longkmie khnang ba kan long ka jingshngaiñ ïa ka dong ka thaiñ hi baroh kawei.
