Shillong, Nailar:
Ka tnad Health & Family Welfare Meghalaya ryngkat ka jingïatreilang bad ka MOMENTUM Routine Immunization Transformation and Equity Project, ki la lah ban pynlong da kaba jop ïa ka lympung jingïalang ba la tip kum ka State Media Sensitization Workshop kaba ïadei shaphang ka Intensified Mission Indradhanush 5.0 (IMI 5.0). Ïa kane ka rynsan la wan ban pynphuh-pynphieng da ka jingïadon lang jong u Ramkumar S, IAS Mission Director NHM bad U Dr Pradeep Haldar, Senior Strategic Advisor, John Snow India.
Ha kane ka lympung jingïalang la ban jur halor ka jingkongsan jong ka jingai tika ïa ki khyllung khynnah kiba la lah ban shim ïa ki tika na ka bynta ban pynkhlaiñ ïa ka bor met jong ki hapdeng ka jingdon shibun ki jingeh. Ha kane ka lympung la sakhi ïa ka jingïashim bynta jong ki riewpaw khmat na ki lad pathai khubor, ki nongtrei ka koit ka khiah, bad ki riewpaw khmat na ki shnong ki thaw, bad baroh ki la ïatylli lang kawei ban ai jingkyrshan na ka bynta ban pynlong ïa ka Intensified Mission Indradhanush 5.0 kaba jop.
