Jowai, Nailar:
Ka Additional Deputy Commissioner jong ka West Jaiñtia Hills, ka Kong H.M.L Kynta la ka plie paidbah ïa ka ‘Intensified Mission Indradhanush 5.0’ ha ka jingïalang kaba la long ha MCH Hospital, Panaliar, Jowai ha ka Lah Sngi U Blei.
Ka Kong Kynta ha ka jingkren ka la pynkynmaw ba kane ka jingai tika ne Immunisation Campaign yn pynlong ha ki lai bynta ha ki hynriew sngi ha baroh ki jaka sumar khlem da donkam ban siew eiei. Ka la pynshlur ïa ki kmie ki kpa bad longkmie armet ban shim kabu da kaba shim tika.
U Dr. E. Suchiang, Paediatrician u la batai ïa ka jingdonkam ban ïoh ïa ka tika khnang ban ïada ïa ki khyllung khynnah na ki jait jingpang ba har rukom.
Ka Dr. Helen Uriah, District MCH Officer, Jowai kaba batai halor ka jingdonkam jong ka immunisation card bad IMI campaign kaba don haduh lai bynta kaba nyngkong naduh 7 tarik u Nailar haduh 12 tarik u Nailar, ka bynta kaba ar naduh 11 tarik u Nailur haduh 16 tarik Nailur bad 9 tarik u Risaw haduh 14 tarik Risaw, 2023.
Ïa ka jingïalang la pynïaid da ka Dr. M Syngkon, District Surveillance Officer katba ka Dr. E War, Medical Superintendent, 100 bedded MCH Hospital, Panaliar, Jowai ka la ai ki kyntien khublei.
