Shillong, Nailar 10
Ka Sorkar Pdeng ka la dep mang kumba T.301 klur na ka bynta ka bai thied tiar ban pyntrei ïa ka skhim bylla sngi lane NREGS ha Meghalaya ha kaba ka bai thied tiar kaba sah jong u snem 2021-22 yn pynkhuid lut noh katba jong u snem 2022-23 yn pynkhuid tang 40%.
Ka Sorkar Pdeng ka la dep mang ïa ka pisa na ka bynta ka NREGS bad ka dei ka bai thied tiar thied tar.
Ka tyllong khubor ka ïathuh ba kane ka pisa kaba la mang ka dei lang na ka bynta ka bai thied tiar kaba sahteng naduh 2021-2022 kaba yn ïoh ban siew dep noh, katba jong u snem 2022-2023 ka dang dei tang 40%.
La ong ba ka bai thied tiar kaba sahteng jong u snem 2021-2022 ka long T.89.11 klur bad yn lah ban siew lut noh, katba ka bai thied tiar jong u snem 2022-23 ka dang lait shwa tang 40%.
“Kane ka 40% kaba la lait ka long kumba T.197.83 klur jong u snem 2022-2023 bad ka pisa baroh kaba dei ka bai thied tiar jong u snem 2022-23 ka la kot sha ka T.486 klur,” la ong ka tyllong khubor.
Shuh shuh la ong ba na kane ka T.301 klur kaba la mang, la buh lang na ka bynta ka tulop jong ki Technical Assistant.
Ka jingmang pisa ïa ka Jylla baroh kawei ka long 90 na ka Sorkar Pdeng bad 10 na ka Sorkar Jylla, bad ïa ka bai tiar ka long 75 na ka Sorkar Pdeng bad 25 na ka Sorkar Jylla.
