Shillong, Nailar 13
Ka jingpyntrei ïa kawei ka projek lyngba ka Smart City ha nongbah Shillong bad ka jingsuki ban pyntrei ka la nang buh jingeh ïa ki paidbah khamtam eh ka dheng kali kaba nang jur katba nang mih ki sngi.
Kane ka projek ka dei kaba don shadien ka skul All Saints ha kaba la shna ïa ka nala kaba heh bad tap nalor da ka dewbilat ban long kum ka surok.
Ka jingpyntrei ïa kane ka projek ka sdang najan ka shlem treikam ka MPSC bad ka ïaid ter ter shaduh shajan DIPR ha Lachumier.
Hashwa ban pyntrei, kane ka dei ka surok kaba ki kali ki ïaid bha khamtam ki nongwan shaw skul. Hynrei ynda la pyntrei ïa kane ka smart city projek, baroh ki kali ki la ïaid lut na surokbah bad pynkhapngiah shuh-shuh ha ka por ba sdang long skul bad por wai skul ha All Saints.
Kumba ka long mynta, ka jingpyntrei ïa kane ka projek ka ïaid shakhmat, hynrei kumba ka paw, la ïohi ba ka long kaba suki bad ki nongtrei ruh ki duna bha, namar ki don tang lai ne saw ngut.
Kumba ka paw, ka projek ka dei kaba shna nala ban pyntuid um na shapoh.
Ka jingpyndep kloi ïa kane ka projek ka dei kaba ki kmie ki kpa kiba leit buh skul bad shaw skul ki la ud bha.
