Shillong, Nailar:
Ka sorkar ka la pyntip ha ka Sngi Thohdieng ba u Myntri Rangbah, Conrad K Sangma, un pynher ïa ka Lama Lai Rong ha ka 15 tarik Nailar, 2023 ha Shillong ban rakhe ïa ka Sngi ïoh Jinglaitluid ka Ri India.
Kiwei pat ki Myntri ki ban pynher ïa ka Lama Lai Rong ha katei ka sngi ki kynthup ïa u Bah Paul Lyngdoh ha Nongstoiñ, u Bah Kyrmen Shylla ha Nongpoh, u Symbud Myntri Rangbah Bah Sniawbhalang Dhar ha Jowai, u Lamphang ka Dorbar Jylla, u Thomas A Sangma ha Tura, u Myntri, Marcuise N Marak ha Williamnagar, u Myntri, Rakkam A Sangma ha Baghmara, u Myntri Comingone Ymbon ha Resubelpara, u Myntri Bah A.L Hek ha Mawkyrwat, u Myntri A.T. Mondal ha Ampati, ka Myntri Dr. M Ampareen Lyngdoh ha Khliehriat, bad u Myntri S Warjri ha Mairang.
Nalorkata, u Symbud Lamphang ka Dorbar Jylla, u Timothy D. Shira un pynher ïa ka Lama Lai Rong ha Sohra, u MLA Bah Lahkmen Rymbui ha Amlarem, u MLA Sanjay A Sangma ha Dadenggre, u MLA Bah Gavin Mylliem ha Pynursla, u MLA Sengchim N Sangma ha Chokpot, u MLA Limison D Sangma ha Raksamgre, u MLA Bah Methodius Dkhar ha Mawshynrut, u MLA Bah Pius Marweiñ ha Ranikor, u MLA Bah Sosthenes Sohtun ha Patharkhmah, u MLA Jim Sangma ha Rongjeng, u MLA Ian Botham K. Sangma ha Jengjal bad u MLA Brening A Sangma ha Dalu.
Ha Hima Shangpung, Laskeiñ C&RD Block, ka MLA ka Sutnga-Saipung, Ka Kong Santa Mary Shylla kan pynher ïa ka Lama Lai Rong.
