Kum shi bynta na ka jingrakhe ïa ka Azadi Ka Amrit Mahotsav, ki pulit ka Fourth Meghalaya Police Battalion ha Sohpian, West Khasi Hills, ki la pynher ïa ka Lama Lai Rong jong ka Ri India kaba heh tam ha West Khasi Hills.
Kane ka long ruh ka jingsdang jong ka jingpynshlur ïa ki nongshong shnong ban pynher ïa ka Lama India ha ki ïing ki sem bad ki kali.
Katei ka Lama Lai Rong ka don 3 meter la 2 meter bad ka jingjrong kaba 10 meter, bad la pynïeng bad pynher ïa ka ha ka jaka kaba long kynjang tam ha ka shlem jong ka Fourth Meghalaya Police Battalion.
Hadien kane, la sam ïa ki Lama Lai Rong sha ki paidbah kiba la ïaid la ïeng bad kiba shong ba sah hajan ka shlem jong katei ka Battalion.
