Shillong, Nailar 14
U jumai uba khlaiñ bor 5.4 ha u Richter Scale u la pynher syrngiew ïa kiba bun ki nongshong shnong ha ka miet jong ka Lah Sngi U Blei.
Katkum ka khubor na ka National Centre for Seismology jong ka Sorkar India, utei u jumai u la khie ha ka por 8:19 mynmiet bad ka pdeng lane Epicentre jong u jumai ka dei ha Bangladesh.
Ka jingwan jong utei u jumai ka la pynher syrngiew ïa ki nongshong shnong ym tang ha kiba bun ki bynta jong ka Meghalaya, hynrei wat ha Assam ruh kumjuh.
Haduh ba thoh ïa kane ka khubor, ym pat shym la ïoh jingtip la ki la don ne em ki briew kiba la mynsaw na katei ka jingkhie u jumai lane ka jingjulor jong ki jingdon jingem.
