Shillong, Nailar 18
Ki nonghikai skul Lower Primary hapoh ka lama All Meghalaya Primary School Teachers Association (AMPSTA) ki la rai ban pynim biang ïa ka skhim baibam barim jong ki nonghikai (old pension scheme) ha ki skul Lower Primary School ha ka Jylla.
Ïa kane ki nonghikai ki la shim ha ka jingïalang ki nonghikai Lower Primary School kaba la long ha ka sngi Thohdieng.
U nongïalam ka AMPSTA u Bah FC Shullai u la batai shaphang ki jingmyntoi jong ki nonghikai bad ka jingpynim biang ïa ka skhim baibam jong ki nonghikai kaba hap ban ïakhun bad ka Sorkar.
Kumta ha ka 4 tarik Nailur kan don ka jingïalang bah jong ki nonghikai LP ban pynsngew sha ka Sorkar ïa ki jingdawa kiba dei na ka bynta ka bha ka miat jong ki nonghikai Lower Primary School.
Kumta ha ka 4 tarik Nailur kan don ka jingïakynduh jong ki nonghikai Lower Primary ban ïakren ïa ki mat kiba donkam na ka bynta ka jingmyntoi jong ki nonghikai naduh ka jingthungkam nonghikai bad kiwei kiwei.
