Shillong, Nailar 21
Ki pulit ka East Khasi Hills ha ka 21 tarik Nailar ki la pyntip ba la lap ïa ka Aadhaar Card na ka met jong uwei u briew uba la khlad bad ba ïa ka met jong u la ïoh tam najan ka madan ïalehkai Basketball ha Jhalupara-Dhobighat.
La antad ba utei uba la khlad u don hapdeng 32-40 snem ka rta bad u la phong da ka patlun rong ïong, sopti rong dpei ba la thoh: Stay Positive, Believe and Never Give Up In Your Life. Ki pulit ki la ong ba ha ka Aadhaar Card, ka kyrteng kaba paw ka long Arjun Thapa ha kaba ka sngi kha ka dei 31 tarik Nohprah, 1994. Ka ‘Address’ ba la thoh ha ka Aadhaar Card ka dei Care of Kumar Thapa, 4th Cross, 8 feet Road, St Bed, 4th Block, Koramangala, Bangalore, Karnataka, bad u Aadhaar Nombor u dei 3880 7507 9770.
Hynrei ki pulit kim pat lah ban pynthikna la katei ka kyrteng kaba don ha Aadhaar Card ka dei ne em jong utei uba khlad. Kumta na ka liang ki pulit ki la kyntu ïa ki bahaïing hasem bad ki paralok ba kin ai jingtip sha ki halor utei uba la khlad noh. Ïa ka met la buh ha NEIGRIHMS hadien ba la pyndep ïa ki jingdonkam baroh.
