Shillong, Nailar 22
Ka samla Preeti Singh kaba na Nongthymmai Nongkhyriem ka la jop ïa ka jingïakop ’thei bhabriew kaba la tip kum ka Spark Miss India Heritage kaba la long ha North Goa ha ka 28 bad 29 tarik jong u bnai Naitung.
Kane ka samla kaba dang 20 snem ka rta, kaba pule ïa ka klas 12, hadien ba ka la ïoh jingjop ha kane ka jingïakhun, ka la shah jied pat ban mihkhmat ïa ka India sha ka jingïakop ’thei bhabriew ka ban long ha Philippines ha u bnai ban wan.
Hashwa jong kane ka jingïakop ban long ha Philippines, kane ka samla kan leit ban ïashim bynta ha ka Mr & Miss Supermodel Season 1 2023 ban pynlong da ka Liz Production House ha Tura, West Garo Hills naduh ka 27 haduh 29 tarik mynta u bnai.
