Shillong, Nailar 23
Ka Kynhun Myntri kan ïakynduh ha ka Sngi Thohdieng bad ha kane ka jingïalang, ka Sorkar Jylla kan sa shim rai ruh ban pynbna lai tylli ki jaka pule doktor ha Jylla.
Haba kren shaphang kane, u Myntri Rangbah Conrad K Sangma u la ong ba um pat kwah ban kren ei ei halor kane, namar yn dang ïakren bad shim rai hapoh ka Kynhun Myntri.
Ki don bun ki mat kiba ka Kynhun Myntri kan sa ïatai ha ka jingïalang.
U Conrad u la ong ba ka Sorkar Jylla ka la shim bun ki sienjam ban kham pynbha ïa ka jingshakri ha ka liang ka koit ka khiah bad ban pynduna ïa ka jingkhlad ki khyllung bad longkmie ha ka por ba kha khyllung.
Ha kawei pat ka liang, ka dorbar synrai jong ka Ïingdorbar Thawaiñ kan long ha ka 15 tarik u Nailur.
Ïa ki sngi ban pynlong dorbar yn sa rai da ka Business Advisory Committee (BAC).
Kane ka dei ka dorbar ka ba-ar jong ka Ïingdorbar Thawaiñ hadien ka dorbar mang tyngka ha u Lber mynta u snem.
