Jowai, Nailar 24
Hadien ka jingpulom ka jingpynsngew paidbah lane ka ‘Public Hearing’ jong ka Meghalaya Cements Limited (Topcem) kaba thmu ban pynlong ha madan ïalehkai phutbol, la sakhi ba ki la don ar ngut ki heh kane ka karkhana kiba la pynshit ïa ki pulit pahara ban bom bad sympat dieng lathi ïa ki paidbah kiba thmu ban rung sha ka jingpynsngew paidbah kaba la pynkynriah na madan phutbol sha ka Community Hall ka karkhana.
Kine ki ar ngut ki heh kane ka karkhana ki la tim sih tim sang bad bthah ïa ki pulit ban ñion ïa ki paidbah kiba la tur sha ka jaka pynlong jingïalang da ka ktien Hindi. Kita ki kyntien ki long “Maaro Saale Ko” bad “Khatom Karo Saale Ko” bad kane ka la pynbitar lep ïa ki paidbah.
