Nongpoh, Nailar 27
Ha kawei ka jingjia tynrah kali ha ka janmiet Sngi Saitjaiñ ha Ri-Bhoi, uwei u rangbah ïa uba la tip kyrteng kum u Bah Hamanroy Cajee, 56 snem ka rta, u la duh noh ïa la ka jingim hadien ka jingshah syllad ha kawei ka kali rong ïong ka bym pat lah satia ban tip ha ka surok Umsning Bypass.
Katkum ka khubor ba la ïoh lum, la ïathuh ba katei ka jingjia ka la jia ha ka por kumba 5 baje eiei hynnin ka janmiet katba utei u rangbah u dang thmu ban leit phai sha la ïing. Hynrei tang mar ïa poi ha katei ka jaka, u la ngat noh ha katei ka apot sepsngi.
Hadien katei ka jingjia, ki briew kiba lap, ki la pynkit noh ïa utei u rangbah sha Umsning CHC na ka bynta ban ïoh jingsumar, hynrei ki doktor katei ka jaka ai jingsumar ki la pynbna ba u la dep khlad lypa.
Na ka liang ki bor pulit ki dang pynlong ïa ka jingtohkit ban lapdien ïa katei kali kaba la tynrah ïa utei u rangbah.
