Shillong, Nailar:
Ka PW (Physics Wallah), kaba long ka kompani ba pawkhmat bha ha ka Ed-Tech, ka la shim ïa ka bynta ba kongsan bha ban nang pynïar shuh shuh ïa ki lad ai jinghikai ha ka liang ka pule-puthi ha India bad ka la pynbna ïa ka jingpyllait paidbah ïa ka PWNSAT 2023 (Physics Wallah National Scholarship cum Admission Test). Kane ka dei ka eksamin ka ban yn pynlong bad Offline bad Online ruh bad kan long ka eksamin kaba ki khynnah kiba naduh ka klass 6 haduh 12, kumjuh ruh kito kiba la ieh noh ïa ka jingpule, hynrei kiba kwah ban pule ïa ka JEE lane NEET.
Mynta u snem, ka Physics Wallah ka wanrah ïa ka jingtyrwa ban ai bai bam ne Scholarship kaba kot haduh 200 klur sha ki khynnah kiba leh bha ha ka eksamin jong ka PWNSAT. Kane ka eksamin kan long ha ka 1, 8, bad 15 tarik U Risaw, 2023 ha ka Offline Mode bad ki khynnah ki lah ban leh ïa ka eksamin jong ki naduh ka 1 tarik haduh 15 tarik U Risaw ha ka ka Online Mode. Ïa ka jingthep kyrteng na ka bynta kane ka eksam lah ban leh lyngba ka PW Website, bad app, lane ha ki PW Center kiba hajan naduh mynta haduh ka 15 tarik U Risaw, 2023. Ka resol jong ka eksamin yn sa pynbna ha ka 20 tarik U Risaw, 2023.
Lyngba ka jingïoh ïa ki schloarship ki khynnah ki la ban leit pule ha ki Vidyapeeth Center na ki nonghikai kiba tbit. Ki Vidyapeeth Centers ki don ha kylleng ka ri bad kin ai ïa ki lynnong jinghikai kiba biang bha bad kiba pynhikai ïa ki bynta bapher bapher ba ki khynnah ki donkam ban pule na ka bynta ka JEE/NEET, bad ka Physics Wallah ka ju lah ban pynïoh ïa ka resol kaba bha.
U Ankit Gupta, CEO Vidyapeeth Offline, PW u ong, “Ka eksam jong ka PWNSAT ka dei kawei na ki lynti jong ngi ban ai kylliang sha ki khynnah bad ïahap ïa ki ba kin lah ban pynurlong ïa ka jingangnud jong ki ban pule Engineering lane ha ki jingpule kiba ïadei bad ki dawai dashin ne Medicine. Mynshem snem, ka eksam jong ka PWNSAT ka long kaba jop. Ka eksam ka la lah ban ïarap palat 1.1 lak ngut ki khynnah pule bad kumba palat 120 klur ka Scloarship la ïoh ban sam. Ngi ngeit ba man la ki khynnah ki don hok ban ïoh ïa ka jingpule kaba bha, khlem da thew ïa ka ïoh ka kot jong ka longing-longsem jong ki.”
Mynta u snem, ka Physics Wallah ka khmih lynti ban ïoh ïa ka jingïashim bynta jong khambuh shuh shuh ki khynnah ha kane ka eksam jong ka PWNSAT. Kane ka kynhun ka sngew skhem ba ka eksam jong ka PWNSAT kan ïarap ïa bun ki khynnah ba kin ïoh ban pynurlong ka jingangnud jong ki ban pule Engineering lane ki jingpule ïa ki dawai dashin ne Medicine.
