Shillong, Nailar 30
Ha ka step jong ka Sngi Balang ha ka por 9:45 mynstep, ki pulit ka Anti Narcotics Task Force (ANTF) ha ryngkat bad ki pulit ka Sadar Police Station ki la ïoh ban kem ïa ar ngut ki nongkhaïi drok kiba kynthup ïa kawei ka kynthei na Ïewduh GS Road.
Katkum ka jingïoh jingtip na u Superintendent of Police (SP) City, Bah Vivek Syiem, u la ïathuh ba ha katei ka jingïoh kem ïa kitei ar ngut ki briew, ki pulit ki la ïoh ban bat ïa u jingdih ba la suba ba u dei u drok Heroin bad uba don ka jingkhia 1.74 gms, 4 tylli ki thyrnia injek, 3 tylli ki mobile phone, kawei ka thuk-thuk ar shaka bad 8 tylli ki tyndong thep drok thylli.
