Tura, Nailar 30
Uwei u Khynnah u la duh noh ïa ka jingim hadien ba u la ngam jyllop ha kawei ka pung ba la tip kum ka Rongsai Valley Dam kaba don ha West Garo Hills.
Ka khubor ka la ïathuh ba une u khynnah u dei uba la tip kyrteng u Eman Mann uba dei na ka shnong Bangalkata jong ka Chibinang kaba hap hapoh ka thanat Phulbari, West Garo Hills.
Nalor kata, ka khubor na ki pulit, la ong ba hadien ba la ïoh jingtip halor kane ka jingjia na ki nongshong shnong ha ka Sngi Ba-ar, na ka liang jong ka kynhun ki pulit pynlip ding bad ki pulit mar-mar ki la leit ban wad ïa ka met hynrei kim shym la lapdien satia namar ka jingsaw um jong ka dam.
Kumta ha ka step sngi Balang haba la hiar ban leit wad biang ïa ka met, na ka liang jong ki pulit ki la ïoh ban tam noh. Ïa ka met la pynkit noh sha ki hospital ba marjan ban pyndep ïa ka jingleh post mortem.
