Shillong, Nailar 30
Ka jingthmu ban pynkynriah ïa kiba shong ba sah ha Them Metor kam pat poi sha ka jingïa beit wat la ka sorkar Meghalaya bad ka Harijan Panchayat Committee ki la ïakren na ka por sha ka por.
Kane ka la paw ha ka por ba ka Meghalaya High Court ka la shong bishar ïa ka mukotduma kaba ïadei hapdeng kitei ki arliang mamla ha ka Sngi Balang.
Na ka liang u Advocate-General, uba dei u muktiar rangbah jong ka sorkar jylla, u la pynpaw ba ka sorkar ka dang shong pyrkhat halor ka jingkyrpad ka Harijan Panchayat Committee ban ai jaka shuh (Additional Space). Namarkata, ka sorkar jylla ka la kyrpad ban buh teng shwa sa saw taïew ïa ka jingbishar halor kane ka mukotduma.
Ka High Court kan sa shong bishar biang halor katei ka mukotduma ha ka 29 tarik Nailur, 2023.
