Shillong, Nailar 31
Ha u kyrwoh khubor ba la phah da u Bah Lamsuk Langstang, Secretary ka Hynñiewtrep National Youth Front (HNYF), Central Body ka la ong ba ka seng ka la beh seng noh ïa u Assistant Secretary ka sengkmie, Bah Edward Thangkhiew ba ju khot sin da u Eddy ba shong ba sah ha Mawlai Umjajew, Shillong.
Katkum u kyrwoh ba la phah da u Secretary ka HNYF sengkmie, ka kwah pyntip paidbah ba ka seng ha ka CEC ba la long ha ka 26 tarik u Nailar 2023, ka la shim ïa ka rai ban beh kam noh ïa u Assistant Secretary ka sengkmie jong ka HNYF, Bah Edward Thangkhiew.
Kumta, na ka liang ka seng ka la kyrpad ïa baroh kiba ju ïa dei kam bad u Bah Edward Thangkhiew ba nangne shakhmat kan nym don jingkitkhlieh shuh bad kan nym ithuh bad pdiang ïa ka jingïadei kam u Eddy ha ka kyrteng jong ka seng.