Shillong, Nailar 31
Ka Voice of the People Party (VPP) shen kan sa peit bniah bad shim ïa ka rai halor ki kyrtong ki ban mih ban ïakhun ïa ka ilekshon MDC ka ban long ha u snem ban wan.
Ha ka kyrwoh ba la pyllait da u General Secretary ka VPP, Dr Ricky AJ Syngkon u la ong, ba ka State Election Committee jong ka seng kan sa sdang noh shen ïa ka kam ban bishar bniah ïa ki aplikeshon jong baroh kito kiba la thep kyrteng ban long kum ki kyrtong jong ka VPP ban ïakhun ha ka ilekshon MDC ka ban long ha u snem ban wan.
Ha kajuh ka por na ka liang jong u Dr Ricky u la pyntip ruh ba ka seng kan sa jied ïa ki kyrtong tang na kito ki briew kiba la dep ban phah ïa ki aplikeshon sha ka seng.
Lah ban pynkynmaw ba ki la don bun ngut kiba la mih shakhmat ban pynpaw ka jingthrang ban ïakhun na ka VPP ha kane ka ilekshon MDC bad ha kiba bun ki konstitwensi ki la mih bun ki kyrteng kiba kwah ïakhun ilekshon.
