Shillong, Nailur:
Ki shipai BSF ka 193 Bn ki la ïoh ban kurup ïa ki jaiñ saree kiba shongdor haduh T.42 lak kiba la thmu ban khaïi tuh sha Bangladesh lyngba ki jaka khappud ka Meghalaya. Katkum ka khubor, ïa kine ki jaiñ saree la ïoh ban kurup na ki jaka khappud ka Barmanbari kaba don ha East Khasi Hills District. Halor ka jingïoh ïa ka khubor ba thikna, ki shipai ki la pynlong ïa ka jingkhynra bad la ïoh ban bat ïa kine ki jaiñ saree. Ïa kine ki mar la aiti noh sha ka tnat custom ba kin leh ïa kaba donkam.
