Jowai, Nailur 01
Ka Synjuk Waheh Chnong Jowai (SWCJ) ha ka Sngi Palei ka la leit ban ïakynduh ïa ki doktor ka Maternal & Child Health kaba don ha Panaliar, Jowai.
Ha kane ka jingleit ïakynduh la lamkhmat da u President ka synjuk, u Bah Alan Niangti bad kiwei ki dkhot nongkitkam jong ka synjuk bad ki la ïoh ban ïakren bad u Medical Superintendent u Dr. Ebenezer War nalor kiwei kiwei ki doktor.
Haba kren sha ki lad pathai khubor, u Bah Niangti u la ong, ka jingleit ïakynduh jong ki ïa ki doktor kane ka hospital ka long ban lap ïa ka jingshisha halor ki jingujor jong ki paidbah ba ki ïakynduh ha katei ka hospital.
U la ong ha ka jingïakren bad u Medical Superintendent u la pynsngew ha ki ba ki shem shitom ban pynïaid beit ïa kane ka hospital namar kiba bun ki jingeh ba ki ïakynduh kynthup naduh ka jingduna ki doktor, nos Biochemical Engineer bad ki nongtrei Grade IV.
U la ïathuh ba na ka liang ka hospital, ka la ïaleh shitom ban ïakren bad ki bor bahalor ban pynbiang ïa ki jingdonkam jong kane ka hospital.
Na ka liang ka synjuk ruh kan ka la ong ba kan shimkhia ïa ka jingeh jong kane ka hospital.
