Jowai, Nailur 04
Ka ïingkashari jong u Sessions Judge, West Jaiñtia Hills, District Jowai ka la rai pynrem da kaba set patok 10 snem kynthih ïa u Dri Phawa hadien ba la lap ba u donkti ban leh be-ijot ïa kawei ka khynnah rit ha kawei ka shnong ha West Jaiñtia Hills District.
U Superintendent of Police jong ka West Jaiñtia Hills, Jowai ha ka kyrwoh khubor, u la ong ba ha ka 26 tarik u Jymmang 2001, la ujor FIR ha u Officer In-Charge ka thanat Jowai pyrshah ïa uwei u briew uba kyrteng u Dri Phawa uba dei na ka shnong Myrjai halor ka jingdonkti ban leh beijot ïa kawei ka khynnah ha ka 23 tarik u Jymmang, 2001.
Hadien ba la pynrung case hapoh ka thanat Jowai, kata katkum ka Jowai PS Case No. 45(5)2001 U/s 376 IPC bad la pynlong ïa ka jingtohkit halor kane ka jingjia hapoh ka jingïalam jong u ASI W. Vaichei.
Hadien ka jingtohkit, na ka liang u IO uba khmih ïa kane ka case u la pynngat kyndon pyrshah ïa une u briew uba la shah kynnoh donkti hapoh ki kyndon jong ka U/s 376 IPC.
Shuh shuh u la ïathuh ba ha ka 31 tarik Nailar, ka ïingkashari jong ka West Jaiñtia Hills District, ka lap ba u Dri Phawa u donkti ha kane ka kam bymman bad la rai ban set patok ïa u halor ka jingpynkheiñ ïa ka Section 376 IPC.
