Shillong, Nailur 04
U President ka Hynñiewtrep Integrated Territorial Organisation (HITO), u Bah Donbok Dkhar, hadien ba u la poi ha thanat Sadar ha ka Lah Sngi U Blei, u la ong ba ka seng ka khlem leh ïa kaei-kaei ka bym dei ban leh.
Haba kren shwa ban rung sha thanat, u Bah Donbok u la ong ba lada ïaid ka RSS da ki jaiñ ‘Khaki’ lane ka rong riam pulit, ki khlem shah pynngat ha ki kyndon aiñ jong ka 171 CrPc, hynrei ba ïaid ka HITO da ka ‘vest’, ki pulit ki khot hajir ïa ki nongïalam.
Ha kajuh ka por, u Bah Donbok u la ong ba namar ba ki pulit kim lah ban ïada ïa ki paidbah ha ki jaka khappud, kum ka seng, kam banse ban thied ïa ki ‘vest’.
