Shillong, Nailur:
Ka KSU West Jaiñtia Hills District Unit ha ka Lah Sngi U Blei hapoh ka jingïalam ka Organising Com-mittee ka la leit khynra ïa ki kot ki sla ha ki jaka trei bad dukan jong ki bar jylla naduh 8 mer haduh Mukhla.
Ha katei ka jingleit khynra, ka seng ka la lap ba shibun ki bar Jylla kim don ïa ki kot ki sla kiba biang.
U nongïalam ka komiti, u samla Ewanmi Phawa u la ïathuh lypa ba ha ki taïew ban wan kin sa leit buddien ban khynra biang bad ka seng ka maham lypa ba lada lap ïa ki bar jylla ki bym biang ïa ki kot ki sla, na ka liang ka KSU kan sa beh noh shi syndon sha ka jaka ba ki wan.
U samla Phawa u la maham ruh ïa ki kynthei Khasi ba kim dei ban kam trai ïa ki dukan bar jylla bad lada lap ïa kiba kum kine, ka seng kan sa shim da kiwei pat ki sienjam.
Na ka liang jong ka seng ka la buh ïa ki briew ban peit pyrman ïa ki dukan ba dei trai da ki bar jylla khnang ban tip bniah ïa kito ki dukan kiba ki thei Khasi ki kam trai.
Kane ka long katkum ka kyrwoh khubor na u samla Juhhi Tariang, Publicity Secretary KSU WJHDU.
