Nongstoiñ, Nailur:
Ki paid nongrep jong ka thaiñ Nongkasen ha Eastern West Khasi Hills ki la mad ïa ka jingshah ot kilo ïa ki mar rep kum u biskot haba ki die.
Halor kane ka bynta, lane ka jingud jingnam jong ki paid nongrep biskot ha ka thaiñ Nongkasen, ha ka sngi Nyngkong ka taïew ka Hills Farmer Union (HFU) West Khasi Hills District kala ïoh ban ïakynduh bad pynlong ïa ka jingïalang bad ïathir ïatai sani halor katei ka jingeh.
U Bah K Lawriniang, President HFU Nongthliew Circle haba kren ha katei ka jingïalang u la ai mynsiem ïa ki para nongrep ban kyntiew para nongrep.
Shuh shuh na ka liang u Bah Lumlang Kharsyiemlieh, General Secretary HFU West Khasi Hills District u la pynpaw da kaba ong, “Ngi wan hangne bad ki para nongrep namar ka jingshah ot kilo ba ngi kwah kane kan duh noh, ngi la ïai dawa ïa ka Sorkar ban shna ïa ka aiñ naduh 2018, ngi ngeit kane ka aiñ kan urlong.”
U la kyrpad ruh ïa ki nongrep ban da kheiñ jingkheiñ haba rep khnang ban suk haba die ïa ki mar rep.
U Bah Alfonbirth Kharsyntiew, general secretary ka HFU Sengkmie u la ong lada kwah ba ki nongrep kin kiew to ïa tylli, bad ki nongrep kin riewspah ym ba kin duk sah.
Shuh shuh u la ong ruh ba ka Sorkar ka dei ban burom, ka jingot kilo ka ka dei ka jingshahtuh ki marrep im im, bad ha por ba ka HFU ka kren nyngkong ym don ba patiaw hynrei mynta kila sdang phai khmat, kumta na ka liang ka HFU kala pynpaw sha ki nongrep ka thaiñ ba kan shimkhia na ka bynta katei ka kam ïa kaba ki nongrep ki ïakynduh.
