Nongstoiñ, Nailur 06
Ka jingshalan masi beaiñ lyngba ka surok Nongstoiñ- Maweit ka la sdang ban kynrei bha ha kine ki sngi, ha kaba ïa kane la pynthikna ruh da ka Hynñiewtrep Youth Council (HYC) Maweit Circle.
U General Secretary ka HYC Maweit u samla Shemphang Tyrsa u la ong ba ka HYC ka maham tyngeh ïa baroh ki paralok kit bad shalan masi beaiñ ba ïaid lyngba ka surok Nongstoin-Maweit.
Shuh shuh u la ong ruh ba ka HYC ka buh ïa ki nongap pahara ha shilynter ka surok Maweit bad lada lap kan kem bad aiti ha ki bor ka aiñ.
Ka HYC ka kyntu ruh ïa ki bor district ban peit bad ban pahara bha ïa kine ki nongshalan masi beaiñ khnang ba ki paidbah kiba ri jingri ha ka thaiñ kin nym sheptieng na ka jingpang Lumpy Skin ban bit ïa ki masi ha ka thaiñ.
