Shillong, Nailur:
Ka tnat pulit ka jylla ka la pynkiew kyrdan ïa 8 ngut ki pulit MPS, katba ka la jied ïa lai ngut ki Inspector sha ka kyrdan MPS.
Ha ka hukum ba la pynmih, ka Kong Cresency W Lyngdoh, MPS, kaba long mynta ka Dy SP (HQ) ha West Jaiñtia Hills, Jowai, ka la shah pynkiew kyrdan bad kan shimti kum ka Deputy Commandant ka 3rd MLP Battalion, Sahbseiñ.
Ka Priyanka W Momin, MPS, kaba dei mynta ka Dy SP (AID), East Khasi Hills, ka la shah pynkiew kyrdan bad kan shimti kum ka Additional SP West Garo Hills, Tura. U Bah Ïalamlad Kharkongor, Dy SP (Eastern Range), Meghalaya, Shillong u la shah pynkiew kyrdan bad un long u Deputy Commandant ka 5th MLP Battalion, Samanda, East Garo Hills.
U Bah Ivan Benson Diengdoh, MPS, uba dei mynta u Assistant Commandant Special Force – 10, u la shah pynkiew kyrdan bad un long u Deputy Commandant ka 4th MLP Battalion, Sohpian, West Khasi Hills. U Bah Donkupar Moksha, MPS, Dy SP (HQ), West Khasi Hills, u la shah pynkiew kyrdan bad un long u Deputy Commandant ka 5th MLP Battalion, Samanda, East Garo Hills.
Shuh shuh u Bah Jayson Mayrom, MPS, Dy SP (HQ) East Jaiñtia Hills, u la shah pynkiew kyrdan bad un long u Second-in-Command ka 1st MLP Battalion, Mawïong. U Challang Gabil Momin, MPS, Dy SP (HQ) South Garo Hills, Tura, u la shah pynkiew kyrdan bad un long kum u Second-in-Command ka 2nd MLP Battalion ha Goeragre, West Khasi Hills.
U Bah Banteilang Kharjana, MPS, Assistant Commandant ka 4th MLP Battalion, Sohpian, West Khasi Hills, u la shah pynkiew kyrdan bad un long u Deputy Commandant ka 5th MLP Battalion, Samanda, East Garo Hills.
Ha kajuh ka por, ka tnat pulit ka la jied ïa lai ngut ki Inspector – Basant Kumar Mishra, u Davidson R. Marak, bad ka Ethel K. Marak – sha ka kyrdan MPS. U Mishra bad u Davidson kin long ki Dy SP Crime Branch Police Station (Eastern Range), Shillong katba ka Ethel kan shimti kum ka Dy SP Security Wing (Special Branch), East Khasi Hills, Shillong.
