Shillong, Nailur:
Ka Samla Seng Khasi Riwar Mihngi Tnad Shillong kan pynlong ïa ka jingïakynduhlang bad Seminar-2023 jong ki khun samla ka thaiñ ki bashong- basah ba pule-dangle bad ba trei ba ktah ha Shillong ha ka 10/09/2023 ha Seng Khasi College, Jaïaw, Shillong ha ka por 11:00 baje mynstep haduh 4:00 baje janmiet.
Ha katei ka sngi yn sdang shwa da ka Seng-Pyni (Seminar) ha ka por 11:00 baje halor ka phang “Ïa Jingstad ba Ngi Wad la Thymmei Tynrai Ngi Bat” ha kaba yn wan ai jingkren jingpynshai da ki Riew Rangbah bad ki Longkmie bad yn bud pat sa ka Jingïalang paidbah ha ka por 2: 00 baje nohphai sngi. Kumta la khot la wer lang ïa baroh ki para thaiñ Riwar ki bashing-basah, ba pule bad ba trei ba ktah ha Shillong, ki longkmie, ki longkpa, ki samla-samhoi, ki heprit, ki parakur-parakha, paralok-parajor kumjuh ruh ki para riewseng kiba na kiwei pat ki Tnad Seng Khasi bapher bapher ban ïawan pynshngaiñlang ha katei ka sngi ba kan phuh kan phieng ka jingïakynduhlang ki khun samla jong ka thaiñ Riwar Mihngi.
Ki jingtip ba kham bniah phi lah ban phone ïa u President/Secretary jong ka SAMLA SENG KHASI RIWAR MIHNGI TNAD SHILLONG (SSKRMTS) . President Mobile No: 7005291163 bad Secretary Mobile NO: 8837076329.
