Shillong, Nailur 08
Hadien 55 snem, ka Dorbar Shnong Mawlai Nonglum ka la ïoh da u Rangbah Shnong bathymmai. Ha kine ki 55 snem, u MLA barim ka Mawlai, u Bah SD Khongwir, u la long u Rangbah Shnong ka Mawlai Nonglum.
Ha ka 7 tarik Nailur, ka Dorbar Shnong ka la jied thymmai ïa ki nongkitkam ba kynthup ïa u Bah John Sing War kum u Rangbah Shnong, Bah Wanaibor Kharlukhi kum u Assistant Rangbah Shnong, Bah Wangmin Lamin, Secretary, Bah Rhembor G Saibon bad Bah Moonlight Niangti, Assistant Secretary, Bah Sandy B Basaïawmoit, Treasurer.
Ha kane ka sngi la pynskhem ruh ïa 24 ngut ki Rangbah Dong jong ki 6 tylli ki dong jong ka shnong Mawlai Nonglum bad la jied ruh ïa ki ba kin long kum ki dkhot lane ‘Executive Member’ ka ‘Executive Committee’ jong ka shnong.
Ha kane ka sngi la pynskhem ruh ïa ka Seng Kynthei Mawlai Nonglum bad ki nongkitkam bathymmai na ka bynta ka snem 2023-2028 bad kine ki kynthup ïa ka Kong Mittimai Basaïawmoit kum ka President, Kong Memtibon Lyngdoh Nonglait kum ka Vice-President, Kong Ameka Bahun Kharlukhi kum ka Secretary, Kong Spelincy Lyngdoh Lyngkhoi bad Kong Nianti Kharpan kum ki Assistant Secretary, Kong Sanbha Mawlong kum ka Organising Secretary, Kong Magritta Pyngrope kum Assistant Organising Secretary, Kong Arshavina Tariang kum i Treasurer lem bad ïa 22 ngut ki dkhot.
Ha kajuh ka por ka Dorbar Shnong Mawlai Nonglum ka la ai khublei kyrpang ïa ka jingnoh synñiang jong i Bah S.D. Khongwir kum u Rangbah Shnong ka Mawlai Nonglum mynta la 55 snem.
