Shillong, Nailur:
Kawei na ki kompany ba paw nam bha ha ka liang ban ai jingshakri ha ki Telecom, ka Vi ka la pynmih sa ïa kawei pat ka sienjam treikam ha ka sien kaba nyngkong kata ka ‘Choice’. Ka Vi ka ailad ïa kito kiba pyndonkam da ka Postpaid ba kin ïoh ïa ka mon ba laitluid ban jied ïa ki jingmyntoi kiba ïahap bad ka jingim jong ki la ka long ha kaba ïadei bad ki jingpynbyrngia ne Entertainment, ka bam ne Food, ban leit jingleit ne Travel, bad ka jingshngaiñ ha ka jingpyndonkam ïa ki mobile ne Mobile Security. Ki nongpyndonkam ïa ka Vi kin ïoh lad ruh ban ïoh ïa bun kiwei pat ki jingmyntoi kum ki Vi Games, Vi Music, Vi Jobs & Education, Vi Movies & TV. Shuh shuh ka Vi Max kaba long ka Postpaid Plan ka wan rah sa ïa kiwei pat ki jingtyrwa ba kham pher kum ka Set Your Own Credit Limit bad Priority Customer Service.
Da ka jingthmu ban nang kham pynkup bor shuh shuh ïa ki nongpyndonkam ïa ka Postpaid, ka Vi ka dei ka kompani Telecom ba nyngkong ban wanrah ïa kum kine ki sienjam treikam kaba ailad ïa ki nongpyndonkam ïa ki Postpaid ba kin ïoh ban jied ïa ki jingmyntoi kiba bun kiba ïahap ruh bad ki. Hapoh jong kane ka jingtyrwa kaba thymmai, ki nongpyndonkam ïa shimet ïa ka Vi ne Vi Individual bad kiba pyndonkam Postpaid baroh shi ïing ne Family Postpaid ki lah ban jied ïa bun ki jingmyntoi na kine ki thup ba bun katkum ka jingkwah jong ki – (i) Entertainment, (ii) Food, (iii) Travel, (iv) Safety of Smartphone na ka bynta ban wan rah ïa ka jingshngaiñ bad ban pynsuk ruh ïa kiba pyndonkam ïa ka phone.
U CMO jong ka Vi, u Avneesh Khosla u ong, “Ka Vi Max ka dei ka sienjam kaba khraw kaba ngi shim ha ka jingïaid lynti jong ngi ban trei radbah bad wan rah ïa ki buit treikam ba thymmai bad kiba long ruh kiba ïahap bad ki nongpyndonkam ïa ka. Katba ngi ban wanrah ïa kane ka sienjam treikam ka ‘Choice”, ngi la pyrkhat ruh shaphang ki lad ki lynti ba lah ban ïoh na ka bynta ki Postpaid Plan. Ka Vi Max kam dei tang shaphang ka Connectivity hynrei la saiñdur ïa ka da ka jingthmu ba ka lah ban pynkup bor ïa ki nongpyndonkam jong ngi ba ki lah ban jied ïa ki bynta bapher bapher kiba lah ban biang tam khnang ba yn lah ban ïoh ïa ka jingpyndonkam ha ka rukom ba bha tam ka ban ïahap ruh bad ka jingpynlut jong ki ïa ka pisa. Da kaba wan rah ruh ïa ka OTT Subscription, ka jingbuh ïa ki lada ïada ba skhem, bad ka jingïoh lad ban treikam katkum ka rukom im jong ki, ngi la lah ban wan rah shisha ïa kita ki lad ki lynti kiba ïahap bad ka jingim kaba ïadei ki nongpyndonkam ïa kine ki jingshakri ha kine ki sngi ba mynta.”
