Jowai, Nailur 10
Ki san ngut shi paralok ki la synñiang 20 byrni ka dewbilat sha ka skul kaba pynïaid da ka Balang Presbyterian Moolaber kaba hap ha ka thaiñ khappud Assam-Meghalaya.
Ïa katei ka dewbilat la aiti sha ki bor pynïaid ka skul ha ka Sngi Saitjaiñ.
Kitei 5 ngut ki kynthup ïa u Franky Lyngdoh, Justice Paul Lyngdoh, u Romingstar Lamare, u Remdor Lyngdoh bad u Kamio Biam.
Kane ka skul ka dei kaba dang shu sdang ban tei ar kamra klas na ka bynta ban ïarap pynnang pynstad ïa ki khynnah jong kane ka shnong.
La ïathuh ba kane ka shnong kam don skul bad nongshong shnong ki phah skul ïa la ki khun sha ki jaka kiba jngai bad marjan bad kiwei pat ki shnong.
