Jowai, Nailur:
Ka North East Adventist University (NEAU), Khliehtyrshi ha ka 8 tarik Nailur ka la rakhe ïa ka ‘World Physiotherapy Day’ halor ka phang ‘Arthritis’ ne ka jingpang mat kaba la pynlong ha Sub-Centre Mukhla, West Jaiñtia Hills District.
Ka ‘World Physiotherapy Day’ ka dei ka sngi ban kynmaw burom ïa ki nongtrei kiba long kum ki ‘Physiotherapist’ halor ka jingdon bynta jong ki ban wanrah ïa ka koit ka khiah bad pynbiang ruh ïa ka rukom im kaba laitluid.
La sdang ïa ka jingkynmaw burom da ka jingïaid ‘Rally’ ki khynnah skul na North East Adventist University (NEAU) pynbud sa ka jingïalang pynsngewthuh paidbah ba ïadei bad ka jingpang mat.
Hadien ka jingïalang, la pynlong ïa ka ‘Free Medical Check Camp’ na bynta ki nongshong shnong ka Mukhla bad la don 25 ngut ki nongshong shnong kiba la ïoh jingmyntoi.
