Khliehriat, Nailur 12
Ka Khasi Students’ Union (KSU) Lumshnong Unit ha ka Sngi Ba-ar ka la ïoh pynphai haduh 26 ngut ki bar jylla kiba thmu wan trei ha ka karkhana dewbilat jong ka Star Cement kaba don ha Lumshnong.
Ka seng haba tohkit ka la lap ba kine bar jylla kim don satia ïa ki kot ki sla kiba biang bad kumta ka la pynphai noh ïa ki.
Nalor kane, ka seng ka la maham ïa ki kontraktor bar jylla kiba wanrah nongtrei bar jylla khlem ki kot ki sla kiba biang bad ka la ong ba kan bteng ban pynlong ïa ka jingkhynra namar kane ka jingwan rung kyrthep ki bar jylla ka buh jingma ïa ka jaidbynriew.
