Shillong, Nailur 13
Ha ka miet Sngi Ba-ar, ar ngut ki nongkhaïi drok ki la ngat noh ha kti ki pulit bad na ka met jong ki, la ïoh ban kurup ïa u drok heroin. Ïa kine ki nongkhaïi la ïoh ban kem da ki pulit ANTF ka East Khasi Hills na Umpling.
Kine ar ngut kiba la shah kem ki dei ba la tip kyrteng kum u Wantei Manbha Lyngdoh ba dang 24 snem ka rta bad u Freddy Bantei Dhar ba la 29 snem.
Na kine ar ngut, ki pulit ki la ïoh ban kurup noh ïa u drok heroin ba khia kumba 1.13 gram, 417 tylli ki bilor plastik barit bad thylli, 39 tylli ki thyrnia injek, 2 tylli ki mobile phone, kawei ka Tata Intra Pikup ba don u nombor ML05-Z-9479. Ïa kine ki briew la pynrung case hapoh ka thanat Rynjah.
