Jowai, Nailur 13
Ka Jylla Niam Jowai ka khot bad wer ïa baroh sha ka jingpynkyntang Bishop ïa u Rev. Fr. Ferdinand Dkhar ka ban long ha ka 1 tarik Risaw, 2023 ha Church of the Holy Spirit Parish Ummulong, ha ka por 10:00 baje mynstep.
U Most Rev. Victor Lyngdoh, u Archbishop jong ka Jyllaniam bah Shillong un long kum u kongsan ha kane jingpynkyntang Lyngdohsad ha katei ka sngi, ryngkat ka jingïasynran lang ki Bishop jong ka thaiñ shatei lam-mihngi.
La kha ïa u Rev. Fr. Ferdinand Dkhar ha ka 26 tarik Rymphang, 1962 ha ka shnong Ïongkaluh, East Jaiñtia Hills. U dei u khun Phrangsngi na ki 10 ngut ki khun jong u Ma Edwin Kyndait bad ka Kong Philomina Dkhar.
La Pynkyntang Lyngdoh Sohblei ïa u ha ka 23 tarik Kyllalyngkot, 1994.
Ka jingpynbeit na ka bynta ka jaka ïeng ki kali kiba wan na ka bynta ka Mass kyntang Bishop ka long, ïa kiba wan na East & West Khasi Hills bad Ri Bhoi district kin hap rung na Lad-Deinthare ban rung sha shnong Moodymmai. Kin sa don ki Volunteer ban pyni lynti.
Ïa kiba wan na ka Parish Amlarem bad ki thaiñ War-Jaiñtia, kin rung beit na Lad-Demthring ban poi sha Moodymmai. Kin sa don ki volunteer ban pyni jaka ïeng kali.
Ïa kiba wan na Parish Namdong, Parish Mynsngat, Parish Ïongchwiat bad ki thaiñ Nongjngi kin rung na ki lad ka shnong Wahïajer ban pyni da ki volunteer ha Wahïajer.
Ïa kiba wan na thaiñ Jowai, East & West Jaiñtia Hills, kin rung na lad CHC Ummulong. Kin sa don ki volunteer hangta ruh. Ïa kiba don Car-pass ki dei ban tah ïa ki sticker khamtam ki kali.
