Nongstoiñ, Nailur 14
U General Manager (GM) ka District Commerce & Industries Centre jong ka West Khasi Hills District u la pyntip paidbah ba katkum ka ‘Public Notice’ ne jingpynbna paidbah ba la pynmih da ka Meghalaya State Pollution Control Board, ki karkhana kiba pynmih jakhlia bad tdem ki dei ban ïoh shwa ka jingbit na ka Board.
Kane ka jingpyntip ka dei ba la pynmih ha ka 24 tarik jong u Rymphang 2023, No. MPCB/TB-4/(B)Pt-2/2022-23/134, katkum ka Section 25 bad 26 jong ka Water (Prevention & Control of Pollution) Act, 1974 bad Section 21 jong ka Air (Prevention & Control of Pollution) Act, 1981 ba baroh ki karkhana kiba pynmih jakhlia sha ki nala, ki lum ki wah bad ki karkhana kiba pynmih tdem jaboh sha ka mariang bad ki sawdong sawkun jong ka, ki dei ban ïoh shwa ïa ka jingbit na ka shlem treikam jong ka Meghalaya State Pollution Control Board, Shillong.
Shuh shuh ka kyrwoh khubor ka la ong ruh ba ïa ki jingtip ba kham bniah lah ruh ban peit na ka office website ha https://megspcb.gov.in/documents/Annexture 1 SOP for consent under water prevention control of pollution act.
