Shillong, Nailur 14
U Myntri Rangbah, Conrad K Sangma u la ong ba ka Dorbar Synrai kan ïaid beit katkum ki sngi ba la dep mynjur da ka Business Advisory Committee (BAC) na ka bynta san sngi.
U la ong ba ki sngi shong dorbar ki dei kumba long ha ki por ba la leit bad ym shym la pynhiar ïa ki sngi shong dorbar.
U Conrad u la ong ba kumba ju long, ïa ki sngi shong dorbar la pynbeit da ka BAC bad ki don ki kyndon kiba donkam ban bud ha Ïingdorbar Thawaiñ.
Kane ka jingong u Myntri Rangbah ka wan hadien ka jingpynpaw ka Voice of the People Party (VPP) ba ka dorbar synrai ka dei kaba lyngkot bha.
Ka Sorkar ha kane ka dorbar kan sa wanrah katto katne ki aiñ rew kiba donkam ban pynkylla ïa ki aiñ kiba la don lypa kum ka Meghalaya Goods and Services Tax, Meghalaya Medical Council and National Law University.
