Khliehriat, Nailur 15
U Deputy Commissioner ka East Jaiñtia Hills District ha ka Sngi Palei u la pyntip ba la shah na ka bynta ka kam tih dewïong lyngba ka juk jingstad saïan ne ‘Scientific Mining’ da kaba thaw ïa ki kynhun ‘Cooperative’ na ka bynta ki nongkhaïi ba rit hapoh ka distrik.
Na ka liang une u heh ka distrik u la ai jingmut na ka bynta ban thaw ïa ki kynja kynhun da ki nongtrei par kiba rit khnang ba kin lah ban aplai ïa ka ‘Prospecting License’ ne ‘Mining Lease’ na ka bynta kane ka kam tih dewïong lyngba ka ‘Scientific Mining’ hapoh EJHD.
U la ong ruh ba kine ki kynhun ki lah ban ïoh ïa ka jingbit na ka bynta kane ka kam tih par katkum ka juk da kaba bud ryntih ruh ïa baroh ki kyndon kiba ïadei bad ka mariang bad kiwei pat ki bynta.
Kane u la ong ba kan ïarap ban pynïoh pat ïa ka kamai kajih bad ka kabu na ka bynta kito kiba la ju pyntrei ha kane ka kam dewïong ha ki por ba la leit.
