Shilling, Nailur 15
Ka Balang Presbyterian Laitumkhrah ka la pyntip ba ha ka Sngi U Blei kan don ka jingïaseng bakyrpang ban rakhe ïa ka jingdap 125 snem (Quasquicentennial Jubilee) jong ka Balang ha kaba la khmih lynti ba ki nongïashim bynta kin kot sha kumba 5,000 ngut eiei ki ban wan na ki 10 tylli kiwei pat ki Balang.
Ka Quasquicentennial Jubilee Celebration Committee ka la pyntip ba ka jingïaseng kan long lai sien ha katei ka sngi, kata, ha ka por 10 baje mynstep, 1 baje mynsngi bad 6 baje janmiet. Na ka bynta kane ka jingïaseng, la pynbeit ruh ïa kiba bun tylli ki jaka ban pynïeng ïa ki kali.
Na ka bynta kiba shah khot sngewbha, ïa ki kali yn pynïeng ha ka jaka ba ju don ka Supercare Hospital mynshwa hajan jong ka ïingmane Presbyterian Laitumkhrah.
Ïa kiwei pat, ki kali kin ïeng ha Sympli Parking Lot, shiliang surok jong ka SBI Laitumkhrah, shiliang surok jong ka Laitumkhrah Presbyterian School, jaka mar pyrshah ka Belmont School, Lumdiengsoh, shiliang surok hajan ka madan Ïewrynghep (Fire Brigade), ha shlem treikam ka Water Resources, shiliang surok hajan ka skul St Edmund’s markhap bad ka shlem treikam ka tnat Agriculture, ha surok ban leit sha Cleave Colony bad Risa Colony, madan phutbol ha Nongthymmai, Nagaland House, Nongrim Hills, NEC Secretariat, Nongrim Hills, Shongsuk Hostel, Nongrim Hills, Old Rosebud School, Nongrim Hills, bad shiliang surok ka NEC Block, Nongrim Hills.
