Shillong, Nailur:
Ka APSTA ka seng ki nonghikai skul Primary mynta ka snem ruh kan ïai bteng ïa ka jingrakhe ïa ka lyngkhuh snem kaba 174 ka sngi jingïap jong u Sahep Thomas Jones I, ïa uba la tip kum “U Kpa ki dak thoh bad pule ha ka Khasi”. Ha kajuh ka por ruh ban kynmaw ïa ka lyngkhuh snem ba 181 ka jingsdang ïa ka Lower Primary skul ha kine ki Lum Khasi bad Jaiñtia. Ka jingrakhe kan long ha ka 16 tarik, Nailar, 2023, ha madan Umkor Urksew ha Pynursla naduh ka por 10:00 mynstep. U kongsan ha kane ka sngi un long u Bah P. Tynsong, Deputy Chief Minister ka jylla. Bad u Symbud Kongsan un long u Rakkam. A. Sangma uba dei Myntri Sorkar ka pule-dangle ha ka jylla.
Ha kane ka sngi, ka APSTA kumba ju leh naduh ka snem 1992, kan noh synñiang mar mar T. 50.000/- (Sanphew hajar) sha ka Christmas Make Over 2023. Ri Khasi Channel; sha ka Parish Pynursla bad sha ka NEIMA ha Pynursla.
Ka APSTA ka kyrpad jur ïa baroh ki dkhot na ki Unit bapher bapher ba kin sngewbha ban poi ha katei ka sngi bad ruh ban ïaleh shitom ban poi hashwa ka por.
