Shillong, Nailur 17
Ha kawei ka jingjia kaba la jia ha ka Sngi U Blei, 6 ngut ki briew ba kynthup ïa u nongñiah ki la lait thaw na ka jingmynsaw hadien ba ka kali kaba ki shong ka la kem ding kynsan katba ka dang don ha lynti ban leit sha ka shnong Laitlum.
Katei ka jingjia ka la jia ha ka por kumba 12 baje shiteng sngi ha ka surokbah Shillong-Jowai ha Laitkor Nongmadan. Katei ka kali kaba don ïa u nombor AS-01-FB-0726 ka la kem ding nyngkong na ka bynta ba shakhmat bad mar ïa ïohi ïa ka jingmih tdem, u nongñiah u la pynsangeh noh harud surok bad ki briew kiba shong hapoh ruh ki la ïoh ban mih noh kloi napoh ka kali.
Tang hadien khyndiat por, ka ding ka la klang bad ka kali ka la julor lut kat ban wan poi ka kali pynlip ding.
Katkum ka khubor na ki pulit la ong ba ha ka jingtohkit ïa u nongñiah, la sngewthuh ba ka daw hi ka dei ba ka don jingthut ka ‘wiring’ jong ka kali.
