Jowai, Nailur 24
Kaei ka jingthmu ne jingmut ba sha lyndet jong ki Karbi haba hadien katno katne sngi ka jingshongsuk, ki la sdang biang ban pynthut ïa ka jingleit lyngkha jong ki briew na ka shnong Lapangap kaba don ha khappud jong Meghalaya Assam?
Haba ïakren bad u Waheh Shnong ka Lapangap u Bah Deimonmi Lyngdoh u la ïathuh ba ha ka Sngi Saitjaiñ, ki longkmie na ka shnong Lapangap ki la shah siat da ka jri siat sim katba ki dang don ha lyngkha.
Ha ka step jong ka Sngi U Blei pat u la ïathuh ba ki katto katne ngut ki nongrep ka shnong Lapangap ki la leit peit ïa la u kba ha ki pynthor ba don jaka sha ki khappud bad ka shnong ki Karbi ba la tip kyrteng kum ka Tahpat, hynrei syndet syndet ha ka jingbym poi pyrkhat satia, la wan her bun tylli ki maw sha ka jaka kaba ki don.
U la ïathuh ba kitei ki maw ki dei kiba ba la siat da ka jri siat sim bad u la kynnoh ba la siat da ki Karbi kiba rieh tngen ha ki khlaw kiba don mar pyrshah ïa ki nongrep.
Ha kane ka jingshah siat, u la ïathuh ba uwei u nongrep uba don hapoh ïing trep uba la tip kyrteng kum u Rijambor Shylla u la kham mynsaw namar ki maw ba siat ki la dei ha ki bynta jong ka khlieh, kti bad ka met jong u.
U Waheh Shnong u la iathuh ba ïa u Rijambor Shylla la rah mardor sha Namdong CHC na bynta ban ïoh ïa ka jingsumar.
Kum ban shu pynkynmaw kum kane kajuh ka jingjia ka la jia ha ka 14 tarik Nailur ha kaba uwei u nonghikai jong ka skul SSA Lower Primary School jong ka shnong Tahpat Pnar ha West Jaiñtia Hills u la mynsaw hadien ba u la shah shoh bad shah siat da ka jri siat sim ryngkat bad ki paralok jong u ha ki katto katne ngut ki suba nong Karbi ha Sohphoh hajan Lumumshyrngat hapoh shnong Lapangap.
