Khliehriat, Nailur:
U District Magistrate jong ka East Jaiñtia Hills District u la pynmih da ka hukum hapoh ka Section 144 CrPC kaba la khang pyrshah ïa ki kali kiba kit palat pud bad ba ki dei ban bud pyrkhing ïa ki kyndon katkum ka aiñ.
Katkum ka hukum la khang pyrshah ruh ïa ki trok ba kin kit palat ïa ka rynïeng jong ka body kali bad ban pynthikna ruh ba yn ym don ki maw ki ban hap na ki kali ha ka por ba kit ïa ki.
Ïa kane ka hukum la pynmih hadien ka jingïoh khubor ba ki trok bad ki kali pick up kiba kit maw ki ju kit palat ban ïa ka jingjrong jong ka body kali kaba buh jingma shibun ïa ki mynsiem briew bad ki jingdon jingem namar ka jinglong jingman jong ka surok bah NH-06 hapdeng ka shnong Tuber Shohshrieh bad Ratacherra ka la sniew shaba palat bad kaba lah ban nangsniew shuh shuh bad wanrah ka jingthut ba khah khah jong ki kali.
