Shillong, Nailur 24
Ka kaiphod Comptroller and Auditor General of India (CAG) ka la lap ba ki khajna kiba ïadei bad jingdie bad khaïi naduh ka tnat Excise, kali, ki jingïoh na ki mar khlaw and kiwei ki jingïoh shabar na ka khajna, la duh kumba T.1,358.47 klur ha u snem 2020-21 bad T.358.08 klur ha u snem 2021-22 kaba long 52.33 per cent bad 12.68 per cent na ka jingïoh kaba dei ban pynmih hi nalade.
Ïa kane la kdew ha ka kaiphod CAG kaba la wanrah ha Ïingdorbar Thawaiñ ha ka Dorbar Synrai dang shen.
La ong ba katkum ka jingpeit bniah na ki jingthoh kiba ïadei bad ki khajna (sale, trade, Excise Motor Vehicles Tax, Forest Receipts bad kiwei ki Non-Tax receipts) kaba la leh ha u snem 2020-2021 bad 2021-2022 ka pyni ba ka don ka jingbym ai jingkheiñ bha kaba long ka jingduhnong bad duh ïa ka Jylla.
Kane ka la pynduna noh ïa ka jingai jingkheiñ jong ka Jylla ban ïoh hi nalade ha kaba ka Sorkar ka pdiang ïa kane ka rukom ai jingkheiñ kaba pyni ba duna kaba dei hok ban kheiñ.
Tang ha ka tnat Transport, ka pyni ba ka jingbym lum khajna ka long ka jingduh kumba T.52.22 klur ha u 2020-21 bad T. 0.33 klur jong u snem 2021-22
Ha ka jingshisha ka jinglum ïa ka road tax katkum ki kyndon naduh ki khajna, ka bai kot bai sla, bad kaba daiñ kuna ka dei na ka tnat Transport.
Ka khajna kali ka dei beit kaba lum na baroh ki kali kamai, katba ka khajna kaba tang shisien (one time tax) ka dei tang na ki kali shimet.
